اختبار تحليل الشخصية: اكتشف نوع شخصيتك الحقيقي في أقل من دقيقة

استقرّ سعر عملة بيتكوين النهارده الجمعة عند حوالي 91,202.9 دولار، بعد ما قدرت تتعافى خلال الأسبوع ده، وده حصل في وقت الأسواق بدأت تراهن أكتر على إن الفيدرالي الأمريكي ممكن يخفض الفايدة قريب، خصوصًا بعد ما المستثمرين بدأوا يقيموا تأثير احتمال تغيير رئيس البنك المركزي.

وخلال الأسبوع، كانت بيتكوين ماشية ناحية إنها تسجّل ارتفاع أسبوعي يقرب من 8% بعد أربع أسابيع من الهبوط، وده بدعم من دخول استثمارات مؤسسية، بحسب منصة "إنفستنج" المتخصصة في التحليلات الاقتصادية.

التعافي ده جه في نفس الوقت اللي زادت فيه توقعات خفض الفايدة بشكل كبير في اجتماع ديسمبر الجاي، لدرجة إن احتمال الخفض بـ 25 نقطة أساس قفز لـ 87% بدل حوالي 39% من أسبوع واحد بس.

وطبعًا الفايدة لما بتنخفض، ده بيخلّي الأصول عالية المخاطر زي بيتكوين أكثر جاذبية، لأنها بترفع السيولة في السوق وتشجع المستثمرين يضخوا فلوس أكتر. وكمان زوّد التفاؤل كلام عن إن كيفن هاسيت، المستشار الاقتصادي في البيت الأبيض، ممكن يترشح يبقى رئيس الفيدرالي، وهو معروف إنه ميّال أكتر لسياسات التيسير مقارنة بالمسؤولين الحاليين. وده لو حصل فعلاً، ممكن يدفع البنك المركزي يمشي في اتجاه أقوى تجاه خفض الفايدة.

رغم كل ده، المستثمرين لسه عندهم حذر؛ التضخم لسه عالي، والبيانات الاقتصادية في أمريكا مش ثابتة، وده بيخلي فيه علامات استفهام:
هل تعافي بيتكوين ده بداية موجة صعود جديدة؟ ولا مجرد ارتداد بسيط ومؤقت؟

أما عن باقي العملات الرقمية، فكانت بتحرك في نطاق ضيق شبه حركة بيتكوين.

• عملة إيثريوم نزلت حوالي 0.5% وبقت 3013.92 دولار.

• عملة XRP فضلت مستقرة تقريبًا عند 2.21 دولار.

• سولانا سجلت انخفاض بسيط.

• كاردانو تراجعت 2.5%.

• بوليجون خسرت حوالي 1.2%.

• وفي عملات الميم، دوجكوين وTRUMP$ نزلوا بحوالي 3%.