اختبار تحليل الشخصية: اكتشف نوع شخصيتك الحقيقي في أقل من دقيقة

مايكروسوفت نزلت تحديث جديد لأداة "اللصق المتقدم" Advanced Paste في برنامج PowerToys على ويندوز 11، والتحديث ده خلا الأداة تقدر تستخدم ذكاء اصطناعي شغال على الجهاز نفسه من غير ما تحتاج إنترنت أو Cloud.

مع إصدار PowerToys 0.96، بقى ممكن تبعت أوامر الذكاء الاصطناعي من خلال
Microsoft Foundry Local أو أداة Ollama مفتوحة المصدر، وده معناه إنك تشغّل نماذج الذكاء الاصطناعي على وحدة الـ NPU في جهازك بدل ما تعتمد على السحابة.

الميزة دي ليها كذا فايدة:

• مش هتحتاج تشتري رصيد API علشان تعمل مهام زي ترجمة نص منسوخ أو تلخيصه.

• بياناتك هتفضل على جهازك ومش هتطلع برا.

وكمان مايكروسوفت وسّعت دعم الأداة، فبدل ما كانت بتشتغل مع OpenAI بس، دلوقتي تقدر تربط اللصق المتقدم بنماذج ذكاء اصطناعي Online مختلفة زي:

• Azure OpenAI

• Gemini

• Mistral
  بالإضافة لنماذج On-Device.

وفيه كمان تغيير في شكل واجهة الأداة؛ بقى بيعرض النص الموجود في الحافظة دلوقتي، وكمان ضافوا قائمة منسدلة تقدر تختار منها النموذج اللي عايز تستخدمه.