تحديث تليجرام الجديد.. ميزة جديدة لبث القصص المباشرة ومزادات الهدايا

أعلن تطبيق تيليجرام عن تحديث جديد قوي بيضيف شوية مميزات مهمة، أهمها البث المباشر داخل القصص، و جدولة الرسائل بشكل متكرر أو آلي، وكمان نظام جديد لتوزيع الهدايا محدودة الإصدار عن طريق المزادات. التحديث كمان جاب تحسينات في الواجهة على أندرويد وiOS، ومعاه أدوات إضافية للمُنشئين اللي بيستخدموا برامج بث خارجية زي OBS.

🔴 القصص المباشرة (Live Stories)

دلوقتي تقدر تبدأ بث مباشر من جوه القصة نفسها في تيليجرام، من غير ما تروح لدردشة فيديو أو مكالمة جماعية. المشاهدين يقدروا يكتبوا تعليقات أثناء البث، وكمان تقدر تميّز أو تثبت التعليقات باستخدام نجوم تيليجرام.

هيظهر عدّاد نجوم فوق البث، والمشاهدين يقدروا يضغطوا عليه ويزودوا مساهماتهم.

الميزة دي شغالة للحسابات الشخصية، والجروبات، والقنوات اللي بتدعم نشر القصص عن طريق التعزيزات. وكعادة القصص، الخصوصية فيها زي ما هي:
الكل – جهات الاتصال – الأصدقاء المقرّبين – أو أشخاص محددين.

أهم مميزاتها:

تعليقات لحظية أثناء البث
تثبيت وتمييز التعليقات بالنجوم
عرض أرباح النجوم مباشرة
متاحة للحسابات والمجموعات والقنوات
نفس إعدادات خصوصية القصص
دعم كامل لأدوات المنشئين

ولو أنت منشئ محتوى، تقدر تبث من خلال RTMP وربطه ببرامج زي OBS وXSplit. وكمان تقدر تتحكم في التعليقات وتحدد ظهورها أو تسعيرها من إعدادات البث. ولتعيين مشرف، المجموعات أو القنوات لازم تدّي إذن "إدارة محادثات الفيديو / البث المباشر" للشخص المختار.

🔁 الرسائل المجدولة المتكررة

تيليجرام بقى يدعم إنك وجدولة الرسائل بتكرار تلقائي — يومي، أسبوعي، أو حسب الفترة اللي تختارها. مفيدة جدًا للتذكيرات اليومية، المهام المتكررة، الشغل، أو حتى متابعة العادات.

طريقة التفعيل:

دوس مطوّل على سهم الإرسال
اختر جدولة الرسالة
اضغط تكرار، واختار المدة اللي تناسبك

🎁 مزادات الهدايا محدودة الإصدار

تيليجرام بقى بيستخدم نظام المزاد للهدايا اللي ليها عدد محدود. تدخل المزايدة بالنجوم على جولات، واللي بيقدم أعلى عروض بيكسب الهدايا حسب ترتيب مزايدته.

طريقة المزاد:

أعلى عروض في كل جولة بتكسب الهدايا
رقم الهدية بيتحدد حسب ترتيب العرض
العروض الأقل بتروح تلقائيًا للجولة اللي بعدها
الفلوس (النجوم) اللي ما استخدمتهاش بترجع لك بعد انتهاء المزاد
تقدر ترفع عرضك أو تعيد المزايدة أي وقت
تقدر تلبس الهدايا في البروفايل، تخزنها، تبعتها لمحافظ بلوكتشين، أو تتاجر بيها في السوق

ديمى تك